超簡易羅漢果金銀花茶食譜 30分鐘完成 清熱解毒化痰潤肺
天氣咁熱，成日覺得個人翳悶又熱氣，不如試下煲羅漢果金銀花茶，有助清熱解毒，潤化痰潤肺。
羅漢果金銀花茶 (2人份量)
材料：
羅漢果…… 半個
金銀花…… 4錢
做法：
1. 金銀花洗乾淨後瀝乾。
2. 羅漢果洗淨後，剝成碎片。
3. 預備500毫升水，煮滾後放入材料，大火煮5分鐘至再次大滾，轉小火煲半小時即成。
功效：
1. 清熱解暑
金銀花有助清熱解毒，可清火解暑防治痢疾；而羅漢果同樣有清熱功效，特別適合響炎熱的夏天飲用。
2. 紓緩咽喉腫痛
羅漢果有清熱潤肺、利咽開音的效果，對於因肺熱引起的咽喉腫痛好有幫助；而金銀花亦有抗病毒作用。因熱氣而引起的咽喉腫痛問題，可以飲羅漢果金銀花茶來緩解。
3. 潤腸通便
羅漢果質滑性潤，能夠清洩火熱，潤腸通便，適合腸燥便祕人士飲用；而金銀花性寒涼，搭配羅漢果可促進腸道蠕動，緩解便祕。
雖然羅漢果同金銀花好處多，不過注意唔可以長期同過量飲用，因為兩者都係性寒的藥材，容易令身體受涼，刺激腸胃，引起腹痛、腹瀉等唔舒服症狀，虛寒體質要特別注意。