一文睇清！夠65歲可以申請哪些福利？生果金、長者咭、長者生活津貼？

夠65歲可以申請哪些福利？長者咭、長者生活津貼、生果金，邊樣申請得？而家就同大家一文睇清！

生果金

好多人以為到了65歲就可以申請「生果金」，但其實係要70歲或以上先申請得，「生果金」個真名係「高齡津貼」，唔需要入息同資產審查，只要符合年齡就可以申請，每月拎1,475元。

長者咭

至於年滿65歲、唔需要審查就可以申請的就係「長者咭」，有了長者咭，就可以享用2元搭車優惠，同埋政府部門、商戶都會提供各種優惠票價、折扣同優先服務。

相關閱讀：滿65歲點樣申請長者咭？3個途徑逐個step教你做！

長者生活津貼

政府亦有為65歲或以上人士提供「長者生活津貼」，不過就必須通過入息同資產審查先有得拎。「長者生活津貼」本身有分普通額度同高額，不過由2022年9月1日開始，社署會將兩者合併，採用現時普通津貼較寬鬆的資產上限並按高額津貼的金額發放，而每月入息限額則維持不變，合併後會劃一發放每月3,915元津貼。申請人可以根據婚姻狀況來決定用個人定係夫婦為單位來申請，每月總入息同資產上限要求會有唔同。

相關閱讀：長者生活津貼 9月合併　劃一每月$3915　領普通津貼上人可多領$995 (附資產入息限額)

(資料截至2022年6月，最新數據可至社署網站查詢)

值得留意的是，如果以夫婦為單位去申請，但申請時只有其中一人年滿65歲，亦需要共同申報入息同資產，如果符合資格的話，滿65歲的那一位可以先拎津貼，而另一人就要等到夠65歲時再一齊申請。