仔女愈大,親子關係愈差?與成年子女相處4大守則 父母放手是給子女最好的禮物

親子關係係一門終身學習的課程,即使子女已經成年,但為人父母始終放心不下,成日為仔女操心。有時候過多的愛令成年子女喘不過氣,反而令親子間漸行漸遠。真正的愛係放手,讓仔女過自己的人生,讓我們一同學習點樣同 成年子女相處 吧!

成年子女相處

與 成年子女相處 4大守則

1. 仔女婚後盡量唔好一齊住

距離產生美感,分開生活係保持良好親子關係的秘訣。為人父母要明白,仔女結婚後就係自己獨立的一頭家,唔再係以前依靠父母的小朋友。如果繼續同父母同住,新搬來的新抱/女婿可能因為生活習慣、價值觀唔一樣而產生矛盾和衝突,影響雙方關係。

如果經濟能力許可的話,分開住對大家都好,大家都比較輕鬆自在,可以過自己想要的生活,唔需要為任何人改變,亦唔會因為日常生活的小事而磨擦,避免親子感情日漸變差。

2. 避免干涉仔女的決定和生活

畢業後做咩工、同咩人拍拖、婚後住邊……人生各種大大小小的事上,有些父母因為出於愛錫、希望仔女好,會不停給予意見,甚至幫仔女做決定。然而,仔女已經成年,有自己思想同生活,做父母的係時候放手,講得太多、管得太多容易令仔女覺得煩厭。當仔女需要做重大決定時,你可以分享自己的人生經驗,協助他們分析各種做法的好壞,但最終決定權仍然響仔女手上,避免太過強勢一定要仔女跟自己那一套,他們的人生就留變他們自己決定吧。

至於仔女同另一半的感情問題,建議最好唔好插手,感情事係兩個人的事,旁人好難講得清。讓仔女知道屋企永遠係他/她堅實的後盾,無論發生咩事父母都會陪伴支持就夠了。

3. 少嘮叨,多包容

年青人比較無耐性,唔鍾意人吟吟沉沉,自己都後生過,都好怕父母嘮嘮叨叨,如果你都唔鍾意咁樣,仔女又點會鍾意呢?另外,仔女雖然已成年,但人生閱歷始終唔及父母豐富,有時做事可能未如父母心意,我們就多多包容鼓勵,避免過份挑剔。

4. 做一個值得尊重的長輩

唔好恃住父母的身份,去要求仔女要點樣點樣對你。隨住仔女的年紀,親子關係響唔同階段都有唔同的相處模式,面對成年子女,父母要做一個令人尊重的長輩,要學習包容、體諒、和善,避免恃老賣老或搬弄是非。同時要理解年青人工作同生活的辛酸,我們盡量顧好自己,別為仔女增加麻煩。

相關閱讀:仔女結婚買樓,身為父母要幫手付首期嗎?