2大樂齡科技 預防長者走失：手機「定位追蹤」APP + 防水定位功能手錶 長者走出安全範圍即通知照顧者
患有認知障礙症的長者因為未能辨別環境同方向，好易蕩失路甚至唔記得自己住邊，屋企人又無辦法24小時睇實老人家，點先可以 預防長者走失 呢？
善用樂齡科技 預防長者走失
根據統計，每年大約有1000名長者走失，當中5%無法尋回，其中唔少都係認知障礙症患者。而家科技先進，照顧者不妨善用以下幾個樂齡科技，避免長者走失。
1. 為長者手機安裝「定位追蹤」APP
東華三院推出的免費手機APP「腦友導航」，設有定位追蹤，照顧者可以隨時追蹤長者位置，亦可以防止長者因為錯手閂APP而取消定位功能。APP入面設有慰問按鍵，照顧者可以用短訊或者打電話直接聯絡長者。另外，同時有「尋人功能」，假如長者不幸走失，照顧者可以響網上發佈尋找失蹤長者的訊息，協助長者平安回家。
2. 防走失裝置
如果擔心長者連手機都忘記拎的話，可以考慮其他防走失裝置，例如防水的定位功能手錶，就算沖涼時都唔使除低。照顧者只需要響手機下載APP，就可以時刻追蹤長者位置。有些裝置更有「安全電子圍欄」功能，照顧者可以先設定一個安全範圍，當長者進出設定範圍時，APP就會即時通知照顧者。另外，這類裝置通常配備檢測心率變化功能，可隨時了解長者的健康狀況，當裝置超過一日靜止不動時，亦會通知家人。