自己遺物自己整理？瑞典人的死前斷捨離 既是一場生命回顧 亦免卻家人日後煩惱
自己遺物自己整理，這句說話聽起來好滿矛盾，但係響瑞典文化中，卻係一件平常不過的事。為了避免離世後，留下太多遺物造成屋企人困擾，好多瑞典人都會響死前預先整理個人物品，認為咁樣做係為家人著想的善意行為。
瑞典文中的”döstädning”，dö意思係死亡，而städning係清理，依個字的意思係簡單來就係死前斷捨離，趁仍然健康時預先將用唔著的物品清理掉，令屋企變得舒適整齊。
現年88歲的瑞典作家Margareta Magnusson在著作《死前斷捨離》中提到，整理自己的遺物代表逐樣檢視擁有的物品，再慢慢細想要點樣處理那些已經唔需要／唔想要的東西，可能你會發現，好多物品已經擺放已久，平時根本唔會用到，甚或忘記了它的存在。
Margareta起初丟掉物品時會覺得良心不安，因為感覺自己好似唔珍惜那些曾經重要的物品。不過後來她發現，原來響整理物品的過程中，自己都會再花時間感受一下它們，心靈反而得到安慰。因為每件物品都有一段歷史，而Margareta好享受回味那些過往的時光。
年輕時的她總係太忙，無機會好好坐低思考某件物品響自己生命中的意義，在踏入晚年後，終於有時間仔細想想件物品係來自何方，又係點樣來到自己手上。Margareta指整理遺物同一般大掃除的最大分別係在於，前者比後者需要花上更多時間。開始整理自己的遺物後，Margareta減少了出門，反而有好多時間都係留響屋企，細細品味物品，同時回顧自己的生命。
Margareta坦言整理自己的遺物的確係件困難的事，最主要原因係……因為自己仲未死。不過她鼓勵大家可以試下開始整理，將舊物逐樣拎出來睇睇，諗下自己最後一次係幾時用依件物品，順便同其中幾件告別。慢慢同物品斷捨離，可以免卻家人將來為家人為遺物爭吵甚至爭奪的煩惱。