安寧護士分享 臨終病人最後悔的5件事 勉勵把握當下 忠於自己活一次
人在臨終前回顧自己的一生，有些事情令人後悔，但係已經再無機會重來。一名在外國安寧病房工作的護士，將所見所聞寫下，列出人在死前最懊悔無做到的5件事，希望大家能以此為鑑，把握當下趁有氣有力時作出改變，因為有些事情，而家唔做，將來就未必有機會做。
臨終病人 死前最後悔的5件事
1. 沒有過自己想要的生活
唔少人都好後悔一直活響別人的期望中，無勇氣過自己想要的人生，到臨終前躺在病床回望一生，先發現好多年輕時的夢想，早已被埋藏遺忘掉，後悔當初點解無勇氣嘗試？點解唔繼續堅持？雖然後來的生活過得唔錯，在旁人眼中睇落係幸福人生，但卻唔係自己最鍾意的生活。
趁住仲有氣有力，不妨再給自己一次冒險的機會，有想做的事就去做，可能會失敗、可能其他人會笑你傻，但起碼嘗試過，才算是無憾。
2. 投入太多時間工作
後悔當初將所有時間都奉獻給工作，連假日都諗住公事。當有天突然醒覺，先發現自己老了、體能不如從前了，而身邊關心的人都開始離開了，自己錯過了好多同他們相處的時間，然而一切都已經無法重來。
如果依刻的你自問係一個工作狂，不如停低諗諗自己要這麼努力工作的理由是甚麼？如果係為了賺更多的錢、為家人提供更好的生活，不妨問問自己，金錢係咪唯一的快樂指標？賺少一點，但可以換來更多同家人相處的優質時光，係咪值得？
3. 無勇敢表達個人感受
為了能同身邊各人保持和諧的關係，而一直壓抑自己的真實感受，係唔少臨終病人感後悔的事情。如果可以重來，他們希望自己能勇於表達個人情感，能夠真正做自己，而唔係人云亦云。
4. 太少同家人朋友聯絡
人之將至，好多人都會諗起生命中最重要的家人同朋友，回想起他們係點樣陪伴自己走過所以快樂、痛苦、難堪、荒唐、掙扎的時刻，後來係點解慢慢減少聯絡呢？在病榻上才後悔，自己太少聯絡家人同朋友，好耐無關心他們，到大家再見面時，已經係最後的道別。
5. 無選擇快樂
好多人直至死前那刻先明白，原來快樂係一種選擇，而自己一直無選擇快樂。即使過住唔鍾意的工作、被討厭的人包圍，但一直無去改善，一直默默承受住相同的惡性循環，因為害怕改變而只活在舊習慣裡，結果卻令自己無法快樂起來。改變需要勇氣，隨之而來的陣痛可能令人唔舒服，但如果唔踏出第一步，你永遠唔會知道原來快樂離你很近。
世界上沒有「早知」，唔想臨終時先後悔，今日開始不妨作出改變。只活一次的人生，每個選擇都應忠於自己，朝想要的快樂道路去走。