啱曬露營新手！免費預約荃錦營地 落車行5分鐘即到 有水源&枱櫈 (附網上預約教學)
政府轄下的露營地點同埋其他戶外康樂設施早前重開，其中包括41處郊野公園露營地點。漁護署日前推出先導計劃，等大家可以網上預約大欖郊野公園荃錦營地。
鄰近大帽山的荃錦營地位於大欖郊野公園內，營友響荃錦公路旁的巴士站落車，再行5分鐘就到達營地入口。 依個營地環境清幽，林木茂盛，附近有多條遠足徑和觀景地點，而且設施齊全，係輕鬆體驗大自然的好去處，十分適合露營新手。
營地裡面每個營位都附有一個平台同埋一張具燒烤爐及可供煮食爐具使用的枱連櫈。為提供更好的露營體驗，亦設有洗手間、水源及中央垃圾收集設施。
荃錦營地預約方法
荃錦營地需預約登記使用，預約的步驟好簡單，而且費用全免。只要響「郊野營人」網站揀選「預約營位」，選擇入營日期同埋離營日期，系統會列出可供預約的營位，揀選「預約」並填妥個人資料，就可以提交表格。完成預約後，會收到確認電郵。
入營當日，需要去營地辦事處辦理簡單入營手續，方可在指定營位露營。每日入營時間為係下午2時至6時，離營時間則係上午11時前。
不過荃錦營地的預約相當爆滿，由於預約名額係先到先得，所以大家要睇實時間預約登記。系統會響每日午夜更新可供網上預約日子，市民可以預約未來29日內營位。不設預訂即日營位，網上系統預約截止時間為入營前一日下午6時。
網上預約荃錦營地
前往荃錦營地
在荃灣如心廣場巴士總站或荃灣港鐵站上蓋巴士站乘搭51號往上村巴士，於「大帽山郊野公園」站下車，步行約5分鐘即可到達。