【秋冬穿搭】冬天忽冷忽熱？衣櫃必備4件外套應對各種溫度 14度至23度適合著！
天氣終於開始轉涼，可以將衣櫃裡的秋冬外套拎出嚟著喇！香港冬季溫差大，熱的時候20幾度，凍的時候可以只得幾度，以下就同大家分享秋冬必備的4件外套，以應付各種天氣同溫度。
秋冬必備4件外套
1. 23°C以上：薄風褸
23°C唔凍又唔熱，係非常舒適的氣溫，但一早一晚會比較涼，建議準備一件輕薄的風褸，最好可以捲成手掌大小，方便唔需要著時放入手袋中，不佔空間亦唔會增加重量。
2. 22°C以下：飛行外套
微涼的22°C，可以選擇有型的飛行外套。飛行外套多數都係軍綠色或深藍色，兩隻色都特別顯瘦，下身無論著裙定著褲都好易襯。由於22°C左右仲未係好凍，外套有機會穿穿脫脫，最好選擇唔太重亦唔容易起皺褶的質地，方便拎在手上或放入手袋。
3. 15°C以上：厚外套
大褸、毛絨外套、夾棉外套等都適合依個溫度穿著，如果預期厚外套會著5年以上的話，建議選擇設計簡單的款式，顏色愈基本愈好，黑、白、灰、藍、卡其色都是穩陣的選擇，搭配鮮艷的上衣，就唔怕太過暗沉單調。
4. 14°C以下：羽絨
而家羽絨款式愈來愈，除了厚重外，亦有好多輕量羽絨，設計同剪裁多變，仲有修腰款式或無領口款式，保暖得來唔會過份臃腫。