久石讓香港音樂會2023 日本殿堂級配樂大師72歲久石讓 將演奏宮崎駿動畫《幽靈公主》組曲
日本殿堂級電影配樂大師72歲嘅久石讓，將會響2023再度來港舉行音樂會，仲會為聽眾帶來宮崎駿動畫《幽靈公主》組曲，各位樂迷不容錯過！
相信大家對久石讓依個名字一啲都唔陌生，佢可以話係宮崎駿動畫嘅御用配樂大師，1984年為《風之谷》配樂，至今已為10部宮崎駿電影作品配樂，包括《龍貓》、《天空之城》、《千與千尋》等。佢有為電影創作音樂，作品包括《花火》、《禮儀師之奏鳴曲》、《輝耀姬物語》等等。
香港管弦樂團（港樂）最近公布來年嘅表演，透露久石讓會響2023年再來香港舉行音樂會。久石讓上次來港演出已經要數到2018年，相隔5年再臨香江，佢今次會帶來3首作品，包括其第二交響曲、《Woman》及大受歡迎的《幽靈公主》組曲，並由香港女高音鄺勵齡擔任獨唱。
目前只知道音樂會會響香港文化中心音樂廳舉辦，但日期、時間同埋其他票務詳情就要等2023年5月先會公布，各位樂迷密切留意！