TreasureDo Whatsapp Group

獅子會自然教育中心漁館全新開放!微縮模型/ 透明魚標本/ 互動遊戲 認識香港漁業發展

​位於西貢蕉坑獅子會自然教育中心的「漁館」完成翻新工程,早前已經重新開放畀公眾參觀,等大家更認識香港本地漁業嘅特色,即刻睇下有咩玩啦!

獅子會自然教育中心-漁館

翻新後嘅「漁館」加入好多多媒體同互動元素,透過模型、標本、動畫同埋互動遊戲,向遊客介紹本地漁業特色。「漁館」設有3個主題展區,分別介紹香港漁業歷史、捕撈同養殖業現況,同埋現代化養殖模式嘅發展。

館內有5個吉祥物——黃唇老師、紅衫、青衣、黃鱲鯧同烏頭,佢哋都係具代表性嘅本地捕撈同養殖魚種,由依5個吉祥物向遊客介紹香港漁業嘅變遷同發展就最適合不過。

漁館-吉祥物

「漁館」入面做有好多展品,當中有捕撈漁船模型,同埋3個微縮模型,包括傳統海魚養殖場、半潛式桁架深水網箱同埋香港仔魚類批發市場,微縮模型做得相當精細,清晰地展示香港漁業作業方式及批銷情況。另外仲有透明魚標本展覽,將唔同魚種嘅獨特形態同骨骼排列一一呈現。遊客亦可透過多媒體互動遊戲,體驗養殖漁民嘅日常工作。

漁館-縮圖模型
展示香港仔漁類批發市場的設施及日常運作的微縮模型。

除咗漁館外,蕉坑獅子會自然教育中心仲有其他4個展覽館,亦有多個戶外特色展區,環境清幽舒服,得閒去郊遊睇下展館,身心舒暢之餘又學到新知識!

獅子會自然教育中心

漁館

地點:西貢蕉坑獅子會自然教育中心

開放時間:

逢星期一、三至日及公眾假期 — 上午9時30分 至 下午4時30十分
逢星期二(公眾假期除外)及農曆年初一及初二休館

前往方法:

可乘搭下列公共交通工具,在北港巴士站下車,然後步行前往中心。

– 92號巴士來往港鐵鑽石山站-西貢;
– 96R號巴士來往港鐵鑽石山站-黃石碼頭(只在星期日及假日行走);
– 792M號巴士來往港鐵將軍澳站-西貢;
– 1號專線小巴來往德褔花園-西貢;
– 1A號專線小巴來往港鐵彩虹站-西貢;
– 12號專線小巴來往寶琳-西貢;
– 101M號專線小巴來往港鐵坑口站-西貢

網站:按此

相關閱讀:綠遊香港2023|免費報名6場線上遊 導賞員帶你遊走香港島&南丫島生態文物徑