《阿凡達2：水之道》入戲院前必睇！回顧第一集9大重點劇情 咩係阿凡達？聖樹伊娃有咩用？
隔咗13年，《阿凡達2：水之道》終於上映，唔少島友都打算入戲院捧場！不過話曬隔咗咁多年，大家可能都唔係好記得上集劇情，所以而家就同大家快速重溫第一集嘅重點，咁樣就可以更加投入第二集嘅劇情啦！
《阿凡達》第一集9大重點劇情
1. 由於地球污染嚴重、資源枯耗盡，RDA組織策劃掠奪潘朵拉星球嘅稀有礦物，於是展開一連串研、交流、採集資源、軍事侵略活動。
2. 潘朵拉星嘅原住民係納美人，信仰聖樹「伊娃」。
3. 納美人可以利用髮尾同聖樹「伊娃」嘅觸角連接，以共享資訊同想法。另外，髮尾同騎獸連結後，就可以操控牠。
4. 「阿凡達Avatar」係經過基因改造後而可以被部分人類控制嘅納美人身體 (可以想像成納美人嘅軀殼，但人類嘅靈魂)，控制方式係進入艙內遙距操控。人類透過阿凡達來同納美人展開交流。
5. 男主角Jake本身係有障嘅人類陸戰隊員，取代已故弟弟操控阿凡達進行任務。
6. 人類方面分為兩派：以Quaritch上校為首嘅武鬥侵略派、友好交流研究派嘅Dr. Grace。
7. Jake接觸納美人後，漸漸體會潘朵拉星球嘅美，並在發現人類侵略嘅可惡之後，改為支持納美人。納美人一開始接受唔到身為人類嘅Jake，不過佢憑住勇氣同真誠通過試煉後獲得大家信任，仲同雨林部落公主Neytiri共諧連理。
8. RDA組織同納美人雙方大戰，Jake領導族人戰鬥，最後由Neytiri射殺Quaritch上校，擊退入侵嘅人類。
9. 擁有神秘力量嘅伊娃將Jake嘅意識轉換到阿凡達身上，幫Jake變成真正嘅納美人，唔再需要響艙內遙距操控制阿凡達。
以上就係上集嘅重點亦劇情，而《阿凡達2：水之道》嘅故事背景設定響第一集大戰後嘅10年，Jake同Neytiri婚後已經生兒育女，潘朵拉星球又再一次面對人類嘅威脅，Jake一家不得不挺身而出，再次率領族人一齊捍衛家園。
最後提提大家，《阿凡達2：水之道》片長3個幾鐘，睇戲之前記得先去洗手間呀！