西貢上窰民俗文物館 免費睇19世紀客家村舍 搭巴士/ 小巴行15分鐘就到
之前因為維修而暫時關閉嘅上窰民俗文物館已經重新開放，位於西貢郊野公園內嘅文物館係一座建於19世紀末嘅客家村舍，佔地500平方米。上窰村同埋鄰近嘅一座灰窰響1981年被列為法定古蹟，重修後響1984年開放為博物館。
重修嘅客家村落設有房舍、敞闊嘅曬坪同埋其他附設建築結構，包括廚房、牛欄、豬舍及一座6米高嘅更樓，仲陳列咗各種當年客家嘅農具及家具，重現上窰昔日簡樸嘅鄉村風貌。
視聽導賞室播放一套以「上窰村昔日風貌」為題嘅錄像節目，等遊客更加認識上窰村嘅歷史及本土文化。
上窰民俗文物
地址：西貢北潭涌自然教育徑
開放時間：
3月至9月 — 上午10時至下午6時
10月至2月 — 上午10時至下午5時
星期二(公眾假期除外)、農曆年初一及初二休館
前往方法：
巴士 — 乘搭九巴路線94號，或只在星期日及公眾假期行走嘅九巴路線96R，於上窰站下車，經過復興橋，再沿北潭涌自然教育徑步行約15分鐘。
小巴 — 乘搭新界區專線小巴路線第7號或第9號，於上窰站下車，經過復興橋，再沿北潭涌自然教育徑步行約15分鐘。
費用：免費
查詢：2792 6365
網站：按此