懷舊點心五柳炸雲吞/ 鵪鶉蛋燒賣元朗有得食！復古茶居重現60、70年代屋邨場景
元朗人氣茶室「老馮茶居」早前完成咗擴充裝修，繼續沿用以60、70年代屋邨做主題，響充滿老香港情懷嘅環境嘆懷舊點心，舊日回憶返曬嚟！
老馮茶居元朗總店擴充咗之後，店舖比以前大咗一倍，座位都闊落舒適過之前。每個角落嘅佈置都充滿60、70年代香港情懷，好似搭咗時光機返咗過去咁！
而點心方面仍然堅持傳統手做點心，希望食客可以食得返以前嘅味道。當中五柳炸雲吞就唔係度度有得食，自家製的五柳汁，裡面有糖醋紅薑、糖醋筍、紅醋木瓜、糖醋紅蘿蔔同埋糖醋橋頭，雲吞皮炸到卜卜脆，裡面包住原隻大蝦。
另一經典懷舊點心不得不提鵪鶉蛋燒賣，先將大地魚烘乾後磨成粉，混入豬肉同蝦肉製成餡料，令味道更香更鮮，連埋香氣十足嘅鵪鶉蛋一齊食，口感十足。
另外仲有金牌炸芋角、金沙米皇腸、沙嗲金錢肚、咖喱蒸魷魚等多款懷舊點心。除咗元朗總店外，老馮茶居響荃灣同大埔都有分店，島友們有無興趣去試下呢？
老馮茶居元朗總店
地址：元朗大棠路66號
電話：2659 8826