賞花好去處｜康文署新推賞花情報網站：北區公園青衣公園紅葉盛開 & 7種植物開花資訊 (有片有相)
康文署早前推出全新網站「康文賞花情報」，定時更新因為種受歡迎植物嘅開花資訊，方便適時掌握最新嘅賞花時機同地點。
全港各區超過1,500個公園同花園都由康文署管理，園內綠樹成蔭，四時花木不絕，個別特別受歡迎的植物品種，每逢花季更會引起賞花熱潮。
響「康文賞花情報」網站，康文署會定時更新8種受歡迎植物的開花資訊，包括紅葉（楓香、落羽杉和水松）、紅花風鈴木、櫻花、黃花風鈴木、宮粉羊蹄甲、杜鵑花、大花紫薇同埋荷花等響選定公園內開花期間嘅照片同影片供賞花人士參考。
網站上列明開花指數、開花照片同埋公園嘅前往方法。以紅葉為例，現時北區公園同青衣公園嘅開花指素已經去到4片紅葉 (最高5片)，網站上亦有近期拍攝嘅紅葉影片同相片畀大家參考，另外仲有佐敦谷公園及香港動植物公園嘅紅葉情報。
其餘7種植物的開花狀況將會適時更新，網站上提到紅葉季節過後，紅花風鈴同埋櫻花會響2月踏入賞花期；黃花風鈴同宮粉羊蹄甲則會響3月盛開。
康文署指新網站亦會成為賞花資訊一站式平台，市民只需瀏覽此網站就可輕鬆掌握康文署場地嘅賞花資訊，例如香港花卉展覽、賞花好去處、賞花101、賞花速遞及香港觀賞植物照片廊等。
「康文賞花情報」網站：按此