TreasureDo Whatsapp Group

小型電器回收 送去「綠在區區」賺積分換禮品 & 大型電器免費回收熱線

年尾開始大掃除,清出嚟嘅廢紙、膠樽等雜物多數都可以攞去屋苑樓下嘅回收站回收,不過小型電器同埋大型電器又要點處理呢?下文就同大家分享幾個回收地點,即刻睇落去啦!

回收小型電器

小型電器例如:相機、吸塵機、電風扇、電飯煲、多士爐、焗爐、燙斗、風筒、電話等等,如果屋苑無回收站嘅話,可以送去社區回收網絡「綠在區區」。「綠在區區」係環保署推動嘅回收網絡,響全港18區都設有「回收環保站」、「回收便利點」及「回收流動點」,支援公眾實踐減廢回收。

除咗小型電器之外,社區回收網絡亦會接收其他回收物,包括廢紙、金屬、塑膠、玻璃樽、四電一腦、慳電膽及光管、充電池等。收集到嘅回收物會經過分揀,再運送至合適嘅下游回收商作後續處理。

使用「綠在區區」社區回收設施,仲可以透過「綠綠賞」智能積分卡賺取電子積分同埋兌換禮品,包括日常生活用品及糧油乾貨,也有環保產品,例如:竹漿廁紙、毛巾以及環保回收袋等。

「回收環保站」詳情:按此

「回收便利點」詳情:按此

「綠綠賞」詳情:按此

回收四電一腦

回收大型電器

大型電器「四電一腦」,即係空調機、雪櫃、洗衣機、電視機、電腦、打印機、掃描器同埋顯示器,除咗可以送到社區回收網絡外,亦可以致電 2676 8888 聯絡政府營辨商,免費上門回收,妥善處理廢棄電器同電子產品。

如果係購買受管制嘅電器時,銷售商會安排法定免費除舊服務。

詳情:按此

相關閱讀:衣櫃斷捨離後 舊衫點處理? 推薦4大二手衣物回收機構 (附 舊衣回收箱位置)