TreasureDo Whatsapp Group

香港公園球根植物主題展覽 700+株鬱金香/ 風信子/ 白花水仙 1月9號起免費睇!

香港公園由1月9號 (星期一) 開始舉辦「球根植物主題展覽」,展出700幾株唔同形態嘅球根植物,包括鬱金香、百合、白花水仙、風信子等等,費用全免,鍾意賞花嘅島友快啲記低以下詳情啦!

「球根植物主題展覽」會響香港公園霍士傑溫室舉行,免費展出超過40多種、700幾株球根植物,包括港人打卡首選、荷蘭及土耳其「國花」鬱金香,另有過年必備的嘅百合及白花水仙,風信子、番紅花、鳶尾等熱門花卉亦同步展出,遊人有機會近距離觀賞各種球根植物嘅美態。

香港公園-球根植物-鬱金香
鬱金香花朵嘅形態和色彩吸引,大部分在荷蘭栽種,係荷蘭及土耳其嘅國花。
香港公園-球根植物-白花水仙
白花水仙比黃花水仙常見,中國水仙在春節期間盛放,象徵來年好運,是受歡迎的年花。
香港公園-球根植物-百合
百合嘅花朵呈漏斗狀,色彩繽紛,花形大而優雅,加上雄蕊常帶有濃郁香氣,因此廣受歡迎。

球根植物係一啲有特殊儲藏養分器官嘅植物,其根莖部分特別肥大,呈塊狀或球狀。今次展覽除展出40多種球根植物外,亦設置展板介紹其特徵、栽種要點及繁殖方法。

球根植物主題展覽

日期:2023年1月9日 至 2月19日

時間:上午9時 至 下午5時

地點:中環紅棉路19號香港公園霍士傑溫室

費用:免費

相關閱讀:賞花好去處|康文署新推賞花情報網站:北區公園青衣公園紅葉盛開 & 7種植物開花資訊 (有片有相)