香港公園球根植物主題展覽 700+株鬱金香/ 風信子/ 白花水仙 1月9號起免費睇！
香港公園由1月9號 (星期一) 開始舉辦「球根植物主題展覽」，展出700幾株唔同形態嘅球根植物，包括鬱金香、百合、白花水仙、風信子等等，費用全免，鍾意賞花嘅島友快啲記低以下詳情啦！
「球根植物主題展覽」會響香港公園霍士傑溫室舉行，免費展出超過40多種、700幾株球根植物，包括港人打卡首選、荷蘭及土耳其「國花」鬱金香，另有過年必備的嘅百合及白花水仙，風信子、番紅花、鳶尾等熱門花卉亦同步展出，遊人有機會近距離觀賞各種球根植物嘅美態。
球根植物係一啲有特殊儲藏養分器官嘅植物，其根莖部分特別肥大，呈塊狀或球狀。今次展覽除展出40多種球根植物外，亦設置展板介紹其特徵、栽種要點及繁殖方法。
球根植物主題展覽
日期：2023年1月9日 至 2月19日
時間：上午9時 至 下午5時
地點：中環紅棉路19號香港公園霍士傑溫室
費用：免費