免費參觀！百年古蹟歐式平房 港大後花園龍虎山環境教育中心 工作坊/ 生態導賞/展覽
龍虎山環境教育中心由環保署同香港大學合辦，位於香港大學後山旁，毗鄰龍虎山郊野公園。中心由3幢歷史建築所組成，屋前嘅生態池同遍植花卉林木嘅小花園更為中心添上點點雅翠，吸引唔同種類嘅蝴蝶及雀鳥在這舒適自然嘅環境棲息。 
有「港大後花園」之稱嘅龍虎山環境教育中心，3幢歷史建築有成過百年歷史，其中最吸引人嘅一定係被大樹包圍嘅白色平房，依座歐式風格嘅白色小屋已經有130年歷史，屬一級歷史建築，前身係薄扶林濾水池附屬平房，係當年看守員同巡查員嘅宿舍。而旁邊嘅紅磚屋則係二級歷史建築，兩座建築物都好適合打卡。
白色平房嘅欄杆響1900年後改為花瓶造型，係維多利亞時期常見嘅建築特色之一。當年正值工業革命之後，工廠可以大量生產預製構件，這些花瓶造型欄杆，就係工廠能預製嘅構件之一。
龍虎山環境教育中心導賞活動
中心設有展覽廳、資訊天地、專題圖書館等，供遊人免費參觀。另外，亦有舉辦唔同類型嘅環保教育活動，例如生態導賞團、綠色工作坊、定向活動、講座等等，10人或以上可以進行團體預約，自選日期及時間付費參與。而期間限定嘅龍虎山森林浴則提供6人或以上體驗，有興趣人士可到龍虎山環境教育中心官網了解活動詳情及報名。
團體預約活動詳情：按此
如果唔夠人數進行團體預約都唔使失望，龍虎山環境教育中心不時舉辦各種活動，歡迎公眾報名參加，大家可以留意官網「最新活動」頁面，睇下有無適合嘅活動。
最新活動詳情：按此
同場加映：港島行山好去處——龍虎山
龍虎山直達太平山頂及西高山，設施配套豐富，係享受大自然嘅好去處。龍虎山郊野公園除咗係超過百種雀鳥同蝴蝶嘅棲息地，更有多個歷史遺跡如「松林砲台」及成立郊野公園前西區行山客嘅手作藝術品等，富有特色。龍虎山環境教育中心位於龍虎山山腰，免費開放予公眾參觀一級歷史建築英式小白屋、生態展覽，係遊龍虎山不能錯過嘅地標。
龍虎山環境教育中心
地址：香港半山旭龢道50號
開放時間：
星期二、四至日：上午十時三十分至下午五時三十分
星期三(上午) ：上午十時三十分至下午二時三十分
星期一、三(下午)、新年、農曆新年及聖誕假期：休息
電話：2975 9031
電郵：lfseec@hku.hk