2023兔年頭炷香｜黃大仙祠年三十晚9PM開放市民入園等候 子夜後通宵開放上香
停辦咗兩年嘅黃大仙祠上頭炷香活動，今年終於返嚟喇！黃大仙祠會響年三十晚 (21/1) 夜晚9點開放畀市民入內等候上頭炷香，過咗子夜後更會通宵開放上香。想知當晚嘅特別安排，就即刻睇落去啦！
嗇色園黃大仙祠早前宣佈今個農曆新年復辦實體上頭炷香，響年三十晚 (21/1) 晚上9點開放畀市民入園等候上頭炷香，響園門開放前大家可以先在廟宇廣場及黃大仙廣場排隊輪候。當晚黃大仙祠會於第一參神平台設兩個頭炷香等候區，分別為23:00上香及00:00上香。
而其他市民亦可於晚上9點起入祠，以單向流水式到三處上香點(大殿、三聖堂、盂香亭）上香，不過上香後就要離開，唔可以停留或折返。
當晚黃大仙祠將實施單向參神路線同埋人潮管制措施，而黃大仙祠財神宮、太歲殿、月老區及從心苑暫停開放，亦不設求籤區﹑跪拜區﹑供品區。另外，祠方提醒善信切勿攜帶大型香枝、元寶蠟燭及供品入祠。
嗇色園黃大仙祠「頭炷香」安排
日期：2023年1月21日 (壬寅年年三十晚)
入園時間：晚上21:00起
(黃大仙祠除夕日間如常於早上07:30開放至下午16:30關園，並於晚上21:00再開放）
頭炷香上香時間：23:00上香 及 00:00上香。子夜後通宵開放讓善信上香。
入園方式：
– 當晚園門晚上21:00開放，善信請於園門開放前在廟宇廣場及黃大仙廣場排隊輪候。
– 當晚本園於第一參神平台設兩個頭炷香等候區，分別為23:00上香及00:00上香。
– 其他善信亦可於21:00起入祠，以單向流水式到三處上香點(大殿、三聖堂、盂香亭）上香，不能停留或折返，上香後離去。