年三十晚交通安排｜港鐵&輕鐵路綫通宵行駛 & 九巴41條路線延長服務時間
年三十晚行年宵行得耐咗、去朋友屋企玩得夜咗都唔使擔心，港鐵宣布咗年三十晚 (21/1) 將會通宵行駛，而九巴41條巴士路線都會延長服務時間，即刻睇詳情啦！
港鐵宣布除機場快綫、迪士尼綫同東鐵綫往返落馬洲車程外，8條本地鐵路綫同埋7條輕鐵路綫，包括505、507、610、614P、615P、706 及 751，響年三十晚都會提供通宵服務。而港島綫、荃灣綫及觀塘綫會響當晚8點起加密班次，歲晚及新春期間班次至約2至6分鐘一班車；港鐵巴士506、K51及K54亦會延長服務時間。
另外，九巴亦宣布於年三十晚加強巴士服務，以下41條巴士路線會延長服務時間。
