「無限亮」共融藝術2月登場：視障女高音/ 三指鋼琴家/ 聽障舞者精采演出
共融藝術節目第五屆「無限亮」將會響2023年2月正式揭幕，通過實體同網上多個國際及本地藝術家嘅優秀演出，讓唔同喜好或身處唔同環境嘅觀眾，都可以無障礙地欣賞。今年總共有11個精采嘅節目，以下精選6個介紹畀大家，有興趣嘅可以響城市售票網購票觀賞，文末會有購票資訊。
「無限亮」計劃由香港藝術節及香港賽馬會慈善信託基金聯合主辦，致力透過藝術來推動社會共融。藝術不囿於個人之能力，想像力無遠弗屆，一眾來自世界各地與本地不同能力藝術家，衝破界限，創造出無限精采嘅藝術世界，為觀眾帶來獨一無二嘅表演。今屆將會呈獻11個音樂、舞蹈、戲劇及電影等節目，包括：
1. 《樂悠心聲》蕭凱恩女高音音樂會
為「無限亮」打頭炮嘅係本地新進女高音蕭凱恩首個個人音樂會《樂悠心聲》。依位得天獨厚擁有通透聲線嘅視障女高音，響2017年獲得香港賽馬會獎學金，畢業於香港中文大學音樂系，現為香港演藝學院碩士生。是次音樂會以「愛」為主題，她將透過獻唱多首經典嘅古典及歌劇曲目、音樂劇名曲及流行曲來分享她對愛嘅深切體會。
詳情：按此
2. 谷野九郎《微笑の堡壘》
世界聞名嘅日本劇場導演谷野九郎，曾於2019年參加首屆「無限亮」，今次重臨香港，帶來充滿生活質感嘅劇場佳作《微笑の堡壘》。海邊嘅公寓，一個舞台，兩個單位，一個有認知障礙嘅老人和她嘅家人每日響同一空間上演著牽動人心嘅故事，讚頌照顧者嘅偉大，告訴我們「日常」即幸福嘅可貴。
詳情：按此
3. 黃愛恩《三指奇幻旅程》
「三指鋼琴家」黃愛恩同音樂好友為觀眾帶來一場自在劇場《三指奇幻旅程》，演繹多首唔同風格樂曲，其中包括福音音樂同埋全新編曲、以中國樂器笙演繹西樂嘅樂曲。她將會響依個親子音樂會中以互動形式用音樂細訴自己成長點滴，同時展望未來挑戰與旅程。參與演出嘅仲有醫學界別嘅音樂精英和愛徒簡恩翹，以及恩師吳美樂博士。
詳情：按此
4. 無標籤藝術團《萬有引力》
現代雙人舞《萬有引力》由來自歐洲不同能力藝術家組成嘅無標籤藝術團創作。洛洛與聽障舞者堤基並排坐響地鐵裡，他們嘅旅程由身體同話音展開，兩人彼此吸引。作品糅合了手語、字幕、舞蹈以及如詩般嘅描述，成就著彼此嘅萬有引力。
詳情：按此
5. 天堂鳥劇團《超級特演》
來自蘇格蘭嘅天堂鳥劇團以一貫嘅幽默、用心與坦誠創作，以全新面貌為香港觀眾帶來《超級特演》，依套親子作品探討跨代不同能力人士對自我身份嘅見解，試圖令觀眾突破不同能力嘅既有觀念。
詳情：按此
6.《一弓一鍵》音樂會
音樂之美，唔只係音符同旋律，而在乎奏出嘅生命樂章，《一弓一鍵》音樂會可見一斑。兩位知名嘅古典音樂家殷兆基與尼古拉斯首次同台演出，合奏莎蒂．夏里遜、莫扎特、馬斯奈及馬爾康．阿諾嘅名曲，以及美國新音樂作曲家莫利．喬伊斯為「無限亮」創作嘅世界首演作品。依場將會係一次充滿療癒嘅音樂之旅。
詳情：按此
門票於城市售票網有售
「無限亮」2023 節目門票由即日起於城市售票網發售。
購票詳情：按此
其他精采嘅網上節目包括電影、戲劇及音樂將於2023年3月15日起在「無限亮」網站免費播放。
全部節目詳情：按此