大埔賞花好去處｜太和農墟白梅盛開 位置鄰近港鐵站 (附前往方法)
大埔太和農墟嘅白梅現正盛放，吸引咗唔少攝影愛好者帶埋長鏡來影返夠本。鍾意賞花嘅島友想知點去，就繼續睇落去啦！
鄰近港鐵太和站嘅大埔太和農墟，總共種咗6、7棵白梅花樹，樹齡超過10年，由於農墟就響大街上又近港鐵站，所以唔少人特地前來賞花拍照，而其中一棵白梅更伸展至行人路上，即使農墟無開，亦可在外面欣賞。不過提提大家，其實遠睇唔係太睇得清楚，最好帶備長鏡確保影到靚相。
梅花有耐寒嘅特性，通常響一月下旬同二月份開花，花呈5瓣，有300幾個品種，色澤由白色、粉色、紅色到紫色同淺綠色都有，可以話係代表冬季嘅花。
大埔太和農墟只在星期日開放，由農民直接銷售自家種新鮮有機蔬菜，大家去賞花嘅同時仲可以逛下農墟，一舉兩得。不過長氣地講多次，農墟只在星期日開放，記住要留意返日子，避免摸門釘。
大埔太和農墟
地點：大埔太和路 (消防局側)
開放時間：逢星期日 9am – 5pm (2023年1月22日)
前往方法：於港鐵太和站B出口出閘，沿一期商場往愛和樓方向走，走至商場出口沿樓梯往下，會見到對面為發電站，農墟入口就在發電站旁邊 (全程步行約5分鐘)