北角賞花好去處｜北角匯粉紅波波草花海&琉璃小教堂 (附地址/ 開放時間/ 前往方法)
鍾意賞花嘅島友，去咗北角匯對出嘅北角海濱公園睇粉紅波波草花海未呢？依個北角花海展期去到3月15號，每日由早上10點開放到夜晚10點，費用全免，即刻睇點去啦！
位於北角匯對出碼頭旁綠化地段嘅北角海濱花園，響2023年3月15日之前，會以「世界十大花田」日本茨城超人氣波波草園為藍本，展出粉紅波波草花海《地膚之森》園藝裝置，依個草園裝置仲獲日本國營常陸海濱公園官方認證！
地膚 ，同時亦叫做「波波草」，外形圓潤可愛，花語為「夫妻圓滿」。嚟到北角海濱公園，除咗有波波草花海畀大家打卡之外，花海中央仲有間琉璃光影小教堂。《地膚之森》園藝裝置由早上10點開放到夜晚10點，無論影日景定夜景都咁靚，未去過嘅島友要把握時間！
《地膚之森》園藝裝置
日期：即日起至2023年3月15日
開放時間：早上10時 至 晚上10時
地點：北角海濱花園 (北角匯對出碼頭旁綠化地段)
費用：免費
前往方法：港鐵北角站A1出口，往海傍方向走約4分鐘