賽馬會流動回收車2月時間表&停泊點｜舊衣/ 書籍/ 慳電膽 家庭電器二手損壞都照收
執完屋發現一大堆唔再啱用嘅物品，但就咁掉咗佢送去堆填區又覺得好浪費？賽馬會「回收轆轆」流動環保計劃，每個月都會有流動回收車行停泊各區，回收嘅物品唔單止十分多元化，而且無論好壞都收。
回收種類多元化
「回收轆轆」接收嘅物品種類繁多，由衣物、書籍、家電、慳電膽、光管等等都可以送去回收。不過每種物品都有回收標準，例如衣物至少有8成新先會收，而家庭電器就不論類型好壞全收，詳情請睇以下圖片。
「回收轆轆」提醒大家，記得預先清洗乾淨回收品並分類好，再送去流動回收車。
除咗回收外，「回收轆轆」仲會即場分享收集到嘅重用書籍同全新小家品，歡迎大家免費索取有需要嘅物品。
流動回收車2月時間表
流動回收車逢星期三至日響東九龍各區出沒，以下係2023年2月份嘅停泊時間表，大家可以響指定日期時間將回收物送去指定地點。
收集到的衣物將會進行分類、消毒及清潔，部份會捐贈予其他機構或有需要人士；亦會透過宣傳車的重用攤檔及不同平台作捐贈及義賣，除咗推動重用減廢外，亦係回收轆轆環保教育工作嘅其中一環。