fbpx Web Interstitial Ad Example

大埔元洲仔近120年歷史前政務司官邸 免費開放特定區域 附地址/ 時間/ 導賞團詳情

之前介紹過前身係舊大埔警署,而家係法定古蹟嘅綠匯學苑,好多島友都十分有興趣。其實大埔都仲有另一座法定古蹟,就係位於元洲仔嘅前政務司官邸,現為世界自然基金會的教育及保育研究中心,平日都有開放特定區域畀公眾參觀,大家亦可參加導賞團。

前政務司官邸響1906年落成,當時嘅元洲仔仲係吐露港上嘅一座小島。官邸樓高兩層,建有遊廊,係20世紀初嘅典型殖民地式建築,響1983年列為古蹟。官邸而家為世界自然(香港)基金會的自然環境保護研究中心,服務大眾,推廣環境及文化遺產教育。

前政務司官邸

一、每星期4日開放特定區域

除咗每年舉辦開放日外,平時亦會對公眾開放特定區域,大家可以學習到減塑保護海洋嘅知識,亦可以去熊貓禮品店一邊嘆咖啡一邊挑選心儀環保產品。

1. 開放區域:熊貓禮品店及展覽室

日期:星期四至日(*聖誕及農曆新年假期除外)

時間:上午10時至下午6時

2. 開放區域:元洲仔海岸

日期:星期一至日

時間:上午10時至下午6時

前政務司官邸-導賞團

二、付費導賞團需預約

如果想參觀古蹟主樓同埋花園,則需要報名參加中心舉辦嘅導賞團,由導賞員帶領大家發掘前政務司官邸嘅歷史痕跡同故事。中心亦有舉辦其他導賞團及工作坊,會帶參加者探索元洲仔海岸,等大家了解海岸生態保育嘅重要性。

導賞團於星期五至星期日舉行,為付費導賞團,費用由$150至$200不等。大家可以到以下網站查詢目前接受報名嘅導賞團或工作坊,並在網站上進行預約。

按此瀏覽導賞團

元洲仔自然環境保護研究中心

地址:新界大埔元洲仔里元洲仔自然環境保護研究中心

前往方法:按此

電郵:ihcsc@wwf.org.hk

相關閱讀:綠匯學苑免費導賞團 超過120年歷史舊大埔警署 & 必試低碳素食餐廳 (附報名網站)