免費參加鹽田梓文化歷史故事之旅 支持年青導賞員傳承小島故事 (附報名方法)
位於西貢嘅鹽田梓擁有近300年歷史，如果想深入了解依個小島嘅過後去，不妨參加鹽田.「故」仔嘅導賞團「鹽田梓文化歷史故事之旅」，費用全免，而導賞員係來自香港大專院校嘅學生，所以參加導賞團亦可以算係用行動支持年青新一代。
鹽田.「故」仔過去一年訪談咗多名鹽田梓村民，收集咗多個有趣嘅鹽田小故事，有啲係村民私人珍藏嘅回憶，有啲則係大家嘅集體回憶，即使跨越唔同年代仍可清晰描述。為咗將依啲精彩故仔同大眾分享，鹽田.「故」仔招募咗一批來自香港大專院校嘅學生，進行講故「仔」講故「女」實習計劃嘅培訓，希望通過年青新一代，將鹽田梓嘅故事傳遞給大家，做故事嘅世代傳承。
導賞團費用全免，不過參加者需要預備來往西貢鹽田梓村之街渡費用（約$70）。如果想參加今次嘅導賞團，請留意以下報名詳情。提提大家，導賞團將於2023年2月3日（星期五） 17:59截止報名。活動名額有限，先到先得。成功報名之人士，將會收到電話/ WhatsApp確認。
鹽田梓文化歷史故事之旅
活動日期：2023年2月10日（星期五）、2023年2月11日（星期六）（任擇一天）
時間：10am – 1:30pm （2小時故事Tour + 1小時活動分享討論）
集合地點：西貢碼頭接待處集合-乘船往鹽田梓村*（洪記海鮮酒家側）
*街渡將會於當日朝早10時正準時開出，逾時不候
解散地點：西貢鹽田梓村
參加年齡：18歲或以上的公眾參加者
備註：
– 因鹽田梓村屬郊外環境，途中路線有一定難度，因此本活動不適合行動不便或使用輪椅人士，敬請留意。
– 本次導賞活動費用免費，惟參加者需預備來往西貢鹽田梓村之街渡費用（約$70）
– 不可以同時報名2月10日以及2月11日活動，需揀其中一日報名
報名連結：按此
截止報名日期：2023年2月3日（星期五） 17:59
查詢：yttstorytelling@gmail.com
Facebook：Yim Tin Tsai Storytelling鹽田.「故」仔