銀杏館接手40年老字號新祥益餅店 開拓20個職位推動長者就業 傳承老師傅手藝
舊年11月，位於紅磡開業近40年嘅新祥益餅店宣佈結業，唔少街坊都大感可惜，好彩最後由社企銀杏館接手老店，改名為「銀杏館祥益餅店」，傳承老師傅手藝，延續街坊麵包店。
銀杏館指因知道機緣巧合下得知新祥益餅店幾位老師傅打算退休，於是決定接手經營老店。一向支持長者就業嘅銀杏館，接手後開拓咗約20個職位給長者，而原店年邁老師傅則擔任顧問，傳授「地道老餅」製作特色，傳承手藝味道，讓回憶中嘅美味長存。
小店每日新鮮出爐多款麵包同唐餅，例如菠蘿包、腸仔包、餐蛋包、雞尾包等，仲有坊間少見嘅唐餅如合桃酥、雞蛋餅，其中必試嘅肉鬆酥係熱賣產品，由老師傅獨家自創。
銀杏館祥益餅店亦會免費贈予麵包給區內嘅獨居長者、基層人士等弱勢社群，希望能幫到有需要的人。大家經開紅磡的話，不妨去支持一下！
銀杏館祥益餅店
地址：九龍紅磡民裕街29號
營業時間：
星期一至六 － 6:00 – 19:00
星期日及公眾假期休息
電話：2333 2997
網站：按此