元宵綵燈展2023｜北區公園、荃灣公園限定 展期至2月7日 (附亮燈時間&交通)
之前同大家介紹過尖沙咀文化中心露天廣場嘅新年綵燈展，而家響北區公園同荃灣公園都有元宵綵燈展2023，費用全免，展期去到2月7號咋！ 
北區公園：新界東元宵綵燈展
以「春意盎然──花開・鯉躍・兔動」為主題，透過有趣可愛嘅動物，同埋色彩奪目嘅花鳥蟲魚造型燈組，帶出春回大地，萬物蘇醒，處處生機嘅信息，寓意新一年充滿活力；燈展作品亦包括著住華服嘅康文署吉祥物「活力仔」同「思文喵」燈組，同大家同賀新春，祝福市民身體安康，如意吉祥。
日期：即日起至2023年2月7日（星期二）
亮燈時間：6pm – 11pm
前往方法：按此查看
荃灣公園：新界西元宵綵燈展
以「福兔迎春，金貓報喜」為主題，同市民迎春接福。除咗「活力仔」同「思文喵」外，熊貓、兔子等動物亦為焦點作品，祝願大家兔年健康富足。燈展特別加入「吉祥走橋」，以繽紛熱氣球點綴公園內小橋，讓市民體驗「走橋」嘅元宵習俗，象徵祈福驅災。此外，市民亦可在各燈展場地猜燈謎感受節日氣氛。
日期：即日起至2023年2月7日（星期二）
亮燈時間：6pm – 11pm
前往方法：按此查看