最後機會！香港科學館恐龍展2.22結束 免費入場睇8組史前化石標本 (附預約網址）
香港科學館免費大型恐龍展覽「香港賽馬會呈獻系列：八大‧尋龍記」，將於2023年2月22（星期三）結束，唔想錯過展覽嘅島友記得把握機會，響最後依個期前往參觀！
展覽展出8組極具代表性、曾於恐龍盛世烜赫一時嘅物種嘅化石真品，以及高完整度嘅恐龍化石骨架。珍貴展品來自德國、瑞士、意大利、荷蘭、羅馬尼亞和摩洛哥的博物館及學術機構。除咗暴龍外，其餘7組化石骨架，包括三角龍、異特龍、西龍、梁龍、棘龍、哈特茲哥翼龍及幼齡蜥腳類恐龍，都係首次於香港展出。
香港科學館更特別擴闊展覽空間，並運用多媒體投射技術和特別燈效，融合最新科學研究同精美古生物學藝術插圖，重塑獨一無二嘅精彩場景，令參觀者有如身臨其境，回到洪荒世界。展覽自舊年7月揭幕以來一直深受公眾歡迎，至今已吸引超過75萬人次參觀。8組恐龍展覽後將難再聚首一堂，大家切勿錯過依個世紀難得一次過飽覽8種經典恐龍嘅最後機會。
另外，科學館將在星期六、日及公眾假期，提供每日3節粵語展覽導覽。導賞員會在一小時嘅導覽中，帶領參觀者從唔同角度認識史前世界，介紹各件珍貴化石真品及最新科研成果，揭示史前生物嘅獨特身體結構及生活習性。導覽費用全免，名額有限，即場登記，先到先得。
香港賽馬會呈獻系列：八大．尋龍記
展期：即日起至2023年2月22日
地點：香港科學館二樓展覽廳
費用：免費 (須透過網上預約入場)
網上預約：按此
官網：按此
查詢：2732 3232
