打卡好去處!屯門屯赤隧道堤壩 椰林樹影睇海景日落
屯門屯赤隧道響上年開通之後,新建的街道「浩和街」成為了最新打卡好去處,兩邊種滿棕櫚樹,中間一片大草地,仲可以坐在堤壩上欣賞海景日落!
浩和街有「港版邁阿密」之稱,係唔少屯門友睇日落的好去處,因為依度海景觀開闊,270度飽覽海景之餘,仲可以睇到機場飛機升降。浩和街全長不長,全程步行約10分鐘就可以行到街尾,沿海有一條堤壩,唔少人用它來做打卡背景,中間有一大片草地,假日遊客會來野餐或帶寵物散步,草地兩旁種滿棕櫚樹,好有異國風情,難怪有「港版邁阿密」之美譽。
前往屯赤隧道交通:
1. 搭公共交通工具前往
屯門港鐵站搭K52巴士,在望后石站下車後,再步行20-25分鐘。
2. 自駕前往
浩和街無時租車位,自駕人士要注意。
3. 踩單車前往
可以在望后石巴士站附近租共享單車,不過數量唔多。亦可以響湖山公園租單車前往,全程約一小時,不過要留意接近望后石消防局同珠江貨倉一帶需要踩馬路,要注意安全。
4. 搭的士前往
在屯門站轉的士,車程大約10分鐘。
出發前要做足準備!
- 附近無餐廳或士多,需自備足夠食水小食。
- 附近無洗手間,出發之前最好唔好飲太多水。
- 草地或附近無遮陰處, 怕曬的可以自備遮陽傘。
- 靠近屯赤隧道一段多車,影相時要注意安全。
