50歲袁詠儀自爆同張智霖跟蹤15歲仔仔約會！面對仔女青春期拍拖　父母要注意6大事項　切忌偷睇手機！

50歲的袁詠儀近日響中國綜藝節目《朋友請聽好2》自爆同張智霖跟蹤15歲仔仔張慕童 (魔童) 約會，仲跟埋去餐廳離遠觀察。雖然聽落好誇張，但仔女第一次談戀愛，身為家長一定會擔心，樂齡父母到底要點面對仔女青春期拍拖呢？

袁詠儀 (靚靚) 響節目裡面話，仔仔約會當日，她同老公張智霖主動開車送仔仔到約會餐廳，並事先同仔仔講明自己會響同一餐廳食飯，「你去你的，我跟爸爸在那個地方坐下來吃飯，不會管你的」。既然響得同一餐廳，又點會完全不唔理呢？靚靚最後係一路食，一路離遠觀察仔仔同女朋友的一舉一動。

因為想同仔仔同一時間離開餐廳，靚靚更加係狼吞虎嚥將東西吃完，然後扮散步跟在仔仔同女朋友身後。在別人看來，靚靚的行動非常瘋狂，但她解釋自己身為母親真係唔放心，「很想去跟他說⋯⋯因為他才十幾歲，有些事情不要那麼早地去做一些決定。」

對於靚靚的「跟蹤」行為，大家點睇呢？如果可以的話，又想唔想參與仔女的第一次約會呢？不過無論幾想參與都好，只要易地而處，諗返自己青少年時期會唔會想被父母跟蹤？就會明白無論幾咁想跟、理由幾咁充分都好，都要留點個人空間給仔女。

仔女青春期拍拖　父母要注意的6大事項

1. 切忌侵犯私隱

青少年階段好注重私隱，所以千祈唔好偷睇仔女手機、電腦、日記等等，以免仔女覺得被冒犯，繼而影響親子關係。

2. 避免事事拒絕

青春期多多少少有點反叛心態，愈被反對愈想做，所以唔避免事事拒絕，更加唔好採用禁止用手機、禁止上網、禁止出街等強硬手段，只怕仔女愈來愈反感。

3. 不要問長問短

青少年容易唔耐煩，亦好怕人囉唆，家長要用合適的方法來同仔女溝通，亦要避免問完又問。

4. 訂立家規

預先同仔女約定最夜幾點要返屋企、唔可以響在外過夜等；如果放學後唔係即時返屋企的話，要Whatsapp或電話通知等等。這些規矩愈早訂立愈好，唔一定要等到仔女拍拖之後先設家規。

5. 教導仔女保護自己

教導仔女明白自己有生理反應係正常現象，要學會拿捏同異性互動的尺度，當對方提出身體接觸或性行為要求時，如何明確、理性地拒絕，或者點樣做好安全措施。

6. 助仔女建立正確戀愛態度

令仔女明白愛必須建立響互相尊重的基礎上，雙方要抱持尊重對方感受、設身處地為對方著想，戀愛關係先健康長久，而唔係只有透過「性」先可以建立「愛」。