Time Auction 網上義工配對平台 為NGO尋找技能義工 義工儲夠服務時數可換取同名人聚餐體驗

今時今日做義工,唔單止係賣旗、執垃圾或者社區探訪咁普通,仲可以活用自己的一技之長來回饋社會。有慈善機構就協助非牟利機構尋找各種技能義工,而義工累積到一定服務時數,就可用來換取不同體驗活動,幫到人之餘自己都得益。

慈善機構Time Auction係一個網上義工配對平台,由兩位本身從事銀行金融業的女生Fion同雪兒於2014年創立。Fion響工作期間接觸到好多義工活動,覺得好有意義,於是創立了呢個平台,起初只係業餘模式運作,沒想到一做就係咁多年。

網上義工配對平台-Fion
Time Auction創辦人Fion
網上義工配對平台-雪兒
Time Auction創辦人雪兒

Time Auction了解到好多規模較細的NGO都面對住人手不足、欠缺專才等問題,需要有技能的義工幫忙設計海報、拍片剪片、網頁製作、市場推廣等工作,但又唔容易搵到相關義工,Fion同雪兒於是萌生為NGO同義工進行配對,NGO可以在Time Auction上刊登職位同工時,有興趣者可以直接響平台報名,並由機構進行面試。

依兩年因為疫情關係,唔少公司都讓員工在家工作,而NGO都減少實體活動,轉做社交媒體宣傳同網上活動,意外地造就咗大批技能義工,透過Time Auction的義工配對,讓大家安坐家中都可以做義工。

Time Auction義工平台最特別之處係,義工只要累積一定服務時數,就會獲安排同社會賢達聚餐交流,希望藉此作為誘因鼓勵大眾參與社區服務。過去就曾經邀請到前財政司司長曾俊華、企業領袖盛智文、9gag創辦人Ray Chan、藝人黃秋生等等,同義工交流互動。除了同名人聚餐外,亦可以用義工服務時數來換取各種體驗活動,例如體驗漂浮式水療、跟大師學打鼓等等。

網上義工配對平台-體驗活動

對於50+嘅朋友,如果想喺退休前後利用自己技能,發掘唔同興趣,呢個平台都幫到你。有參加者本身係一名會計師,喺Time Auction註冊成為某NGO青年顧問,擔任導師分享經驗,協助年青人走出迷惘。同時間佢對攝影非常有興趣,就喺Time Auction註冊幫其他NGO拍攝活動照片,仲得到不少讚賞,最重要係佢將自己嘅興趣發展成另一項技能。

如果大家都有興趣成為技能義工,協助NGO之餘同時豐富自己體驗,可以透過以下連結註冊:

https://bit.ly/3ijIYeS

相關閱讀:點樣搵義工活動?推薦3個義工平台 多元化NGO義工活動 樂齡人盡展所長