駕鶴西歸 ？中國丹頂鶴走入靈堂躹躬行禮 網熱議：接先人往樂土 VS 殯儀業新噱頭？
響華人社會，鶴象徵住長壽，仲有「駕鶴西歸」一詞來比喻人離世，乘鶴飛往極樂世界。中國遼寧最近就發生了一件奇事，一隻丹頂鶴走入靈堂，更向著躺著逝者的棺木躹躬，令人有無限聯想，認為依隻鶴係來接先人去樂土。
遼寧一位87歲的老人逝世，響屋企設靈，一副白色棺木就放響客廳，當家屬拜祭時，突然有一隻野生丹頂鶴走入靈堂，完全唔怕人地慢慢走到棺木面前，正對住棺木低頭躹躬，好似同逝世老人行禮咁。行完禮後，丹頂鶴轉身走出大門外，但無即刻飛走，而係響屋外走來走去，又不時回頭望返入屋，直到傍晚先離開。
依段影片流出後，唔少網民都驚訝依隻野生丹頂鶴的舉動，認為牠相當有靈性，又有人認為牠來接逝世老人去極樂世界，引證「駕鶴西歸」的說法。不過另一方面，都有人質疑係殯儀公司的噱頭，訓練丹頂鶴來「做戲」，甚至懷疑係家屬自己安排。對於依個講法，家屬就話丹頂鶴確實係偶爾出現靈堂，而官方林業和濕地保護管理局工作人員亦回應，丹頂鶴係國家一級保護動物，無論係人工繁殖定係野外馴化，都有專門部門負責，響法律層面來講，唔會允許丹頂鶴被訓練用作商業服務。
依位工作人員認為，依隻丹頂鶴之所以唔怕人，可能係因為以前經過人工飼養，或者響繁殖地周位遇過人類，所以先會唔怕人，甚至走入人類屋企。大家對於仙鶴響靈前「躹躬」有咩睇法呢？純粹偶然定真係來接先人離開呢？