愈掉愈開心？改變心靈的整理術 9大斷捨離好處：唔再在意別人眼光 輕鬆自在做自己
斷捨離唔單止改變外在環境，當空間變得乾淨俐落時，人的心靈都會跟住起變化，一齊睇睇9大斷捨離好處吧！
9大斷捨離好處
1. 時間變多
屋企雜物大減，唔使花咁多時間整理打掃，自然時間都變多。
2. 空間變大
以前屋企堆滿了唔需要的雜物，空間擁擠，斷捨離後騰出更多位置，可以好好享受簡潔的屋企環境。
3. 學識唔同人比較
實行斷捨離生活後，會明白「沒有最好，只有最適合自己」，亦唔會再成日同人比較，自在做自己。
4. 唔再在意別人眼光
斷捨離的過程讓人檢視自己的選擇同價值觀，更清楚了解自己係點樣的人，就明白唔需要在意別人眼光，做自己最開心。
5. 變得主動積極
有魄力同恆心進行斷捨離，代表你已經成為一個主動積極的人。
6. 提升專注力
實行斷捨離時需要高度專注，當習慣專心致志地做好一件事情，有助訓練專注力。
7. 環保簡樸
斷捨離的其中一個精髓係 ”less is more”，過簡樸生活，減少無用的身外物，為環保出一分力。
8. 活在當下
只保留而家需要用的物品，不被過去回憶或未來不安束縛，繼而不停囤物，體現活在當下的精神。
9. 感恩惜福
以感恩珍惜的心態對待保留下來的物品，會養成感恩惜福的習慣。