Bonaqua無招紙樽裝水 今個夏天全港有得買！採用激光刻印技術 產品資料印樽上 為減廢出一分力
Bonaqua的無招紙樽裝水，之前一直都要原箱15枝裝咁買，但最近Bonaqua宣佈無招紙樽裝水會獨立發售，目前響尖沙咀柯士甸道「7-Eleven x 可口可樂」概念店有得買，今個夏天將會響全港唔同銷售渠道上架發售。
無招紙樽裝水特別之處在於採用了新技術，將產品資料激光刻印響膠樽上，而銷售條碼就印響輍薄身的樽蓋上，減少產品包裝，同埋提升樽身回收價值，為環保出一分力。
Bonaqua礦物質水於本地生產，品牌致力向消費者提供更多環保包裝飲品的選擇，包括從設計、採購、生產同運輸等多方面著手，協力推動可持續生活方式，希望同消費者一齊達到「全球零廢棄」的願景。