特價外賣APP：環保「惜食福袋」低至半價！ 告別食物浪費 一年拯救7000公斤剩食免送堆填區
相信唔少人都相當好奇，食肆一般都係點處理賣剩的食物，真係全部掉曬去？上年進軍香港的國際初創企業 Phenix，係一個平價外賣APP，平台上賣的全部都餐廳當日的剩食，希望改變食物資源變垃圾的命運，同時傳遞「惜飲惜食」的環保訊息。
Phenix APP同超過150間餐飲食肆合作，將餐廳當日餘裕食品以「惜食福袋」形式響平台上架，並以綠惜折扣 5折至7折發售，減少浪費，每日供應大約600個「惜食福袋」。合作餐廳都著名食肆，包括：Pret A Manger、Feather & Bone、Le Pain Quotidien、FusionDeli、Trois Cafe、RF1 by city’super等等。福袋食物種類多元化，由中西快餐、各國菜式、麵包餐點、沙律小食、甜品一應俱全。
手機APP響香港推出一年，已成功拯救7,000公斤食物，避免被送進堆填區，即係幫地球減少了3.2萬公斤二氧化碳排放。Phenix今年更將目標提高至6.9萬公斤，希望能比舊減廢十倍。如果大家都想為解決食物浪費的問題出一分力，不妨下載Phenix APP看看有無啱心水的「惜食福袋」。
3個簡單訂購步驟
1. 先下載Phenix手機APP
2. 於APP中選購「惜食福袋」，線上付款落單
「惜食福袋」內的食品會因應餐廳當日食物售出情況而有唔同，用戶可以先響手機APP上睇睇各區餐飲夥伴的「惜食福袋」供應量，再響線上落單同付款。
3. 於指定時間內到餐廳自取
買好「惜食福袋」後，系統會提示用戶響當日指定時段內，親臨餐廳自取食物。