日本開關！6月10日准旅行團入境 香港旅客免隔離 毋需出示接種證明 (附回港注意事項)
等了兩年，終於等到日本開關，好快可以再去日本喇！日本首相岸田文雄今日(26日)公佈，將會響6月1號重新開關，開放觀光客入境，不過首階段只會接待有導遊帶領的旅行團。
岸田話，低感染風險的地區同國家，容許有導遊帶領的旅行團入境，每日入境人數會係2萬人之內。由於香港確診率較低，獲日本列入「藍色名單」，即係入境旅客無論係咪打齊三針，都唔需要出示疫苗接種證明，就可以免卻檢測或檢疫，不過就要提供起飛前72小時檢測陰性證明。
不過要留意的係，雖然可以免隔離入境日本，但根據香港現行防疫政策，旅客從外地返回香港時，係需要到指定檢疫酒店隔離至少7日。另外，要入境香港的話，必須完成疫苗接種並持認可疫苗接種紀錄，如未能接種疫苗人士則要提供醫學證明先可以入境。所以大家飛去日本前，都要了解清楚香港的入境政策呀！
最新抵港人士的檢疫須知：詳情按此