英國70間企業試行「4天工作制」 工時減少人工不變 提升員工幸福感冀帶動企業發展
如果每個禮拜只需要返4日工，但係人工不變，你會唔會想繼續工作唔退休住呢？英國有70間企業由6月開始試行「4天工作制」，目的係測試工時減少的情況下，生產力係咪可以維持一樣？
70間企業參加「4天工作制」實驗計劃
英國70間企業參與研究計劃，測試新工作模式「工作4天，放假3天」係咪可行，研究為期6個月，約有3000個員工受惠，6個月之後大家就會知道，響人工不變但工時下降的情況下，員工可否維持100%的生產力。
其中一間籌辦實驗的非營利組織4 Day Week Global，其執行長Joe O’Connor表示，好多企業逐漸意識到提升員工生活品質有助增加企業競爭力，而當中關鍵就係減少工時、以工作效率為目標。團隊研究員，來自美國波士頓學院社會學教授Juliet Schor指，佢會分析新工作模式對員工同全球氣候的影響，包含：壓力程度、生活滿意度、健康與睡眠狀態、能源使用情況等等。
銀行執行長認為5天工係係上世紀舊觀念
一間參與實驗的企業Charity Bank的執行長 Ed Siegel認為 5天工作係上世紀的舊觀念，唔再適合21世紀的企業，佢相信4天工作制能夠令工作團隊更快樂，正面帶動企業生產力、企業社會使命，同埋提升客戶體驗。而另一間企業炸魚薯條店 Platten’s負責人就話，自從試行4天工作後，員工士氣大幅提升，期待團隊的工作效率亦能進步。