免費開放參觀！香港第一間磅秤資料館　欣賞143年歷史戰前巨型機械尺磅　仲可報名導賞團

香港第一間磅秤資料館最近開幕，資料館位於太子，免費開放予公眾參觀，等大家一睹有過百年歷史的戰前磅秤，而且仲有導賞團，由專人為大家講解香港的磅秤歷史。

磅秤資料館裡面有唔同年代的磅秤藏品，大部分都有過百年歷史，唔少更加係已經絕版的古董，展品包括：有143年歷史的戰前巨型機械尺磅；於60年代由英國引入香港，刻有港斤及國際磅的針磅；金秤厘戥、高精度錶芯油壓機械磅等等。

磅秤資料館由80幾歲的三興製磅廠第二代傳人梁渭潮先生創辦，一心想保存香港磅秤文化歷史的他，館內展品大部份都係他的個人收藏，亦有部份係由保育人士和古物店免費轉贈。資料館免費開放給公眾參觀，但如果大家想更深入了解香港的磅秤發展史，同埋認識各個展品的故事，可以預約參加導賞團，詳情可於三興製磅廠的Facebook或電話查詢。

磅秤資料館

地址：太子界限街13號F地舖

導賞查詢及預約：9664 3380 (WhatsApp / Signal)

官方Facebook：按此