夏日炎炎戶外等巴士太熱！九巴推流動冷氣候車室 總站停電動巴士供乘客歎住冷氣等車
香港夏天愈來愈熱，響戶外企陣已經汗流浹背，九巴幫一眾等車的乘客消消暑，決定響特定的巴士總站停泊「冷氣開放」嘅環保電動巴士，等大家歎住冷氣等車。
九巴的「流動冷氣候車室」設於以下4個特定巴士總站：
– 荃灣西站
-深水埗（欽州街）
-寶林總站
-黃大仙總站
「流動冷氣候車室」其實係冷氣開放的環保電動巴士，大家可以上去涼下冷氣解下暑，一邊睇住App1933顯示的巴士預計到站時間等車，避免在酷熱天氣下長時間企響戶外等車。
另外，九巴目前響90個巴士站設有加水站同埋飲品售賣機，亦向政府申請增設這些設施，方便市民購買冰涼飲品解渴，減低因炎熱天氣等車而令身體不適。