雍雅山房山頂重開！重溫60年代情懷 露天茶座、懷舊裝修、經典招牌美食
講到「雍雅山房」，相信無人唔識，位於馬料水的餐廳飽覽美景，曾經係多套粵語長片的取景地點，響2005年結業時唔少人大感惋惜。不過相隔17年之後，雍雅山房最近響山頂重開，等大家可以回味一下往昔時光！
雍雅山房響1964年開業，係一座融合了中國同日本建築園林設計的私人別墅，其露天茶座絕對係最大特色，吐露港同馬鞍山的景色盡收眼底。餐廳從前以中式粵菜為主，招牌菜包括：紅燒乳鴿、煎釀山水豆腐、乾炒牛河等。雍雅山房曾經盛極一時，曾經係唔少粵語長片的取景勝地，不過後來逐漸沒落，最後響2005年結業，成為一代香港人的集體回憶。
相隔17年之後，雍雅山房近日響山頂廣場重開，餐廳室內設計採用懷舊裝修，亦保留了原址特色——露天茶座，等食客可以邊食邊俯瞰港島景色。餐廳也重現當年經典美食，餐牌上可以搵到秘製紅燒乳鴿、鳳梨酸甜咕嚕肉、1963特色乾炒牛河、紅豆椰子沙冰等，實行令大家重溫60年代的懷舊風情！
雍雅山房
地址：山頂廣場2樓201-202C號舖
營業時間：星期二至星期日- 11:30 – 21:00 (星期一休息)
電話：2638 2883