去年無奈結業 30年老店沙田強記雞粥西營盤重開！馳名招牌雞粥 & 脆皮紅燒乳鴿
舊年結業的30年老店沙田強記雞粥，原來已經響西營盤重開，大家又可以一嚐老店主打的招牌雞粥同脆皮乳鴿！新店改名為「正牌沙田雞粥」，除了以上兩大招牌美食外，仲有多款生滾粥同小菜，冬天食一流！
沙田強記雞粥響2021年結業，本以為沙田雞粥就此成為歷史，但估唔到老店竟然有重開的一日，而且選址亦跳出新界，新店地址位於港島西營盤，改名做「正牌沙田雞粥」，新店走茶餐廳路線，供應招牌菜式以外，仲有早餐、常餐、下午茶餐、小菜等共過百款美食。而粥品方面，除了雞粥外，亦有其他10款選擇，包括田雞粥、鯇魚腩粥等。當然唔少得另一款招牌菜式脆皮紅燒乳鴿，以古法生炸，每隻$80。
「正牌沙田雞粥」的早餐同午餐餐牌同一般茶餐廳差不多，不過下午茶餐就有招牌雞粥餐 (雞粥拼豉油皇炒麵)，而小菜選擇就有好多，超過100款美食，例如酥炸鯪魚球、薑蔥爆豬什、小炒王等等，想重溫舊日滋味不妨一試。
正牌沙田雞粥
地址：西營盤屈地街42-44號地舖
電話：2697 9818