67年無沖過涼！94歲「全球最污糟男人」沖涼後病逝 一直唔沖涼原來係因為…
伊朗一名老伯伯Amou Haji 67年無沖過涼，全身上下都有一層污垢，灰灰黑黑。平日仲會食動物的腐爛屍體同埋用生鏽桶裝水飲，不過之前有醫生去幫Haji診療過，認為他非常健康。飲食習慣咁差都無影響Haji健康，但係萬萬估唔到他竟然響一次久違的沖涼後病逝，享耆壽94歲。
Haji近70年從未沖涼，背後原因相當感人。Haji年輕時曾經有過一段婚姻，但太太響婚後無幾耐就染上瘟疫離世，他深怕太太留響自己身上的味道會被洗走，所以自此之後唔再沖涼。另外亦有指他堅信，清洗身體會生病以及帶來厄運。
Haji獨居響沙漠的地洞裡面，平日多數靠食腐爛的動物屍體充饑，用生鏽的桶在水坑直接裝水飲，有嚴重的煙癮的他會將風乾的樹葉同動物糞便混合，製作成煙草，再用生鏽的煙斗吸食。雖然生活習慣睇落唔衛生又唔健康，但之前有醫生幫Haji做過身體檢查，發現他除了有一些寄生蟲之外，整體來說非常健康、無病無痛，相信他的免疫力比一般人強大。
如此健康的Haji，幾個月前終於被村民說服，相隔67年後首度嘗試久違了的沖涼，但估唔到沖涼後無幾耐Haji就病倒了，而且一病不起，響10月23號離世，享年94歲。