退休後再就業 樂齡點搵工？4個必知求職熱點

香港人愈來愈長壽，65歲退休後仲有一段時間先真正變老，如果提早退休的話，日日要打發時間都唔容易。唔少樂齡朋友想再就業，本篇就介紹4個樂齡求職熱點，幫大家輕鬆搵工。

如果本身有專業技能的話，相信大家已經在LINKEDIN上建立帳號，獵頭公司會主動接觸，搵工相對簡單直接。但假如退休後再就業時想轉換跑道，以下幾個求職途徑應該幫到大家。

1.「勞工處」就業中心

勞工處就業科的就業中心係免費提供職業介紹服務，仲有專櫃為50歲或以上求職人士提供服務。

各區就業科就業中心：

https://www.labour.gov.hk/tc/tele/es3.htm

2.「百龍匯智」人力中介社企

一站式專業人力中介社企，為50歲或以上退休或半退休人士進行工作配對。為幫助大家更容易搵工，大家仲可以申請一對一諮詢服務，專責職員會同你分析前路同解答求職疑問。社企不時會舉辦求職資訊的網上講座，大家不妨參加聽下。

網站：https://www.facebook.com/arewisdom/

3.傲齡動力-友待長者就業計劃

由耆康會成立、香港賽馬會資助的樂齡求職網站，網站「e72」上的人力資源庫列出各類適合樂齡人士的工作，協助有志重投職場的樂齡人士搵工。

網站：https://e72.hk

4.銀杏館社會企業

銀杏館18年來一直致力推動長者就業，透過經營社企餐廳、有機農場、食品製造同零售等等，為長者創造工作機會，讓他們善用晚年、重拾自信。

網站：https://www.facebook.com/gingko2005

相關閱讀：50歲後想創業？報名「賽馬會50+創豐盛計劃」 有專人指導仲有啟動資金！