50歲開始經營好3種關係 退休人生幸福不後悔
50歲係夾心世代，上要照顧年長父母，下要養活仔女，壓力之大可想而知。雖然忙住照顧上下兩代，但千祈唔好忘記為自己規劃未來，由50歲開始經營好依3種關係，將決定你的退休人生係咪幸福唔後悔。
1. 用正面心態照顧父母
父母年紀大，開始頻繁進出醫院，體力亦逐漸下降，照顧的責任落在夾心世代身上，有調查發現，每位照顧者平均照顧年長父母6.5年。長時間的照顧好易壓垮照顧者的身體同埋心理狀況，所以必須為自己設底線，當無辦法撐落去的時候，一定要向人求援。
站響年長父母的角度去諗，其實他們都驚成為仔女的負擔，驚自己無法自理，心裡面好多恐懼焦慮，身為仔女只能夠盡量保持幽默，抱正面積極的心態去照顧雙親。而照顧者亦要保持健康的生活習慣、多運動多休息，維持正常社交，照顧者心理健康，先有力量面對照顧重擔。
長照的而且確係件辛苦的事情，大家要學習放輕鬆心情，為到自己仍然可以照顧雙親而感恩，總比雙親離開了才後悔自己咩都無做來得好。盡可能陪伴年長父母到最後，做了該做的事，下半生先會過得坦然、自在、不後悔。
2. 放手讓仔女飛
仔女踏入青春期，開始有自己諗法，唔再好似細個時咩都聽父母意思。踏入50歲，係時候開始學放手，避免過度控制同介入仔女的人生。父母太過保護只會令仔女變得依賴，唔識為自己人生做決定，父母無辦法一世保護小朋友，適時放手，等他們學獨立、學為自己負責。
放手唔代表你唔係一個好父母，反而係代表你信任仔女的能力。新世代父母對仔女好的方式，未必係睇你為他們安排了多少事情，而係睇你有無照顧好自己，保持身體健康、經濟穩健，等他們可以無後顧之憂地過自己想要的人生，就係父母對仔女最好的愛。
3. 廣交各個年齡層的朋友
有廣泛社交圈同埋頻繁社交生活的人比孤獨的人更加快樂同長壽，一段友誼需要花時間維持，正所謂「朋友無事常相見」，閒時多同朋友聚會、結伴遊玩、多傾偈，保持緊密的互動，能夠滋潤心靈。另外，多結交比自己後生的朋友，可以了解唔同年齡層的流行話題，令人朝氣勃勃。
假如工作比較忙碌，無法時時參與朋友聚會，都可以多利用社交媒體去追蹤朋友動向，按讚留言互動，都算係維繫友情的一個好方法。
50歲過後，用心經營同父母、仔女、朋友的關係，能夠令人生更加幸福美滿少點遺憾。