想順利儲夠退休金?50歲理財習慣要養成!理財顧問教路 記帳、趁早儲蓄、先存後花…你做到幾多樣?

準備退休金的第一步就係儲錢,儲錢聽落好容易,但要儲到一筆錢夠退休就好似好難。理財顧問建議3個「 50歲理財習慣 」,只要養成這些習慣,就唔使擔心錢會響不知不覺間花光,可以順利儲到退休金。

50歲理財習慣

50歲理財習慣 由今日開始建立的3大習慣

1. 記錄開支

美國理財公司Lassus Wherley的董事長Diahann Lassus指出,根據她的經驗,支出遠比收入重要,所以她經常提醒大家,要好好管理開支。特別係50歲左右開始,一定要嚴格管理財務狀況,最基本係計算水、電、供樓或屋租等固定開支,進階一點就係養成每日記帳習慣。Lassu話記帳係繁瑣但精確的手段,對於年低檢視財政狀況同制定出年預算十分有用。

大家不妨每晚都記錄當日支出,可以利用Excel或Google Sheet製作每月記帳表格,同埋download 個人理財App 追蹤日常支出。

相關閱讀:儲退休金由記帳開始!4款免費 理財記帳APP 準確記錄收入開支 結合遊戲功能令記帳變有趣 

2. 愈早開始愈好

堵住財務漏洞之後,就要開始累積財富,Lassus話:「無論最終可唔可以響50歲時儲到年收入6倍都好,儲錢都係愈年輕開始愈好。而且千祈唔好睇小『小錢』的力量,因為複息效應會發揮強大威力。」

複息效應下,本金連同利息再滾存,以錢賺錢。大家不妨多了解市場上的投資工具,利用ETF、基金、股票等等投資工具,做好資產配置,等儲落的退休金可以愈滾愈大。

3. 先儲錢再使錢

中年人上有高堂、下有幼小,每月屋企開支龐大,交小朋友雜費、家用、照顧年老父母費用……好多時一出糧就要交一堆費用,直到下個月出糧前有錢用剩先會儲起來。不過有專家指出,依個習慣往往令人儲唔到錢,因為到通常到月底時,所剩人工已經返好少。專家建議要用有系統的方式,例如設定基金、ETF等,或者銀行儲蓄的自動過數,強迫自己每月出糧時就將錢儲起。

相關閱讀:人口老化 全球退休金儲備不足!3方法加快退休金準備速度