50歲存款要有幾多先夠退休?專家:存款數字要達年收入6倍 月薪15%用作準備退休金

50歲存款 要有幾多先夠退休?之後接下來仲要準備幾多退休金?雖然每個人對退休後的生活品質要求唔一樣,所需退休金金額都唔同,不過只要掌握幾個大方向,就可以盡早知道自己目前的準備足唔足夠。

50歲存款

專家: 50歲存款 應達年收入6倍

根據美國泛美退休研究中心 (Transamerica Center for Retirement Studies) 的調查結果,已退休人士裡面,得47%認為自己的退休準備金充裕,換句話講,即係有一半已離開職場的樂齡人開始擔心唔夠錢用。

要儲幾多錢先夠退休養老用?每人對於生活質素要求唔同,好難一概而論,不過相信無人會反對愈早開始規劃、愈早開始付諸實行愈好。無論由幾多歲開始儲退休金都好,專家給出一個簡單估算退休金係咪足夠養老的方法:到50歲那年,存款數字如果達到年收入6倍的話,就可以順利響67歲法定年齡退休。(1960年後出生的美國人,法定退休年齡為67歲;香港無法定退休年齡,不過因為要到65歲先可以拎強積金,所以一般認為退休年齢係65歲)

美國理財專家強調,大家要提早認知到「50歲存款 要達年收入6倍」依個重點,假設兩夫妻加埋的年收入係120萬,退休金帳戶裡面就要有720萬退休準備金。另外,建議將年收入的至少15%撥作退休準備之用,依15%除了用作儲蓄之外,亦需進行投資。以總年收入120萬計算,即係每年至少要撥18萬。

50歲存款-年收入

退休後採45%入息替代率 可維持退休前生活水平

而退休後採用的入息替代率係年收入的45%,就預期可以維持理想的退休生活至93歲。入息替代率的意思係,退休後平均每月可用金額同退休時每月人工的比例,假如退休前的年收入係100萬,退休後每年可用退休金就係45萬。 根據美國勞工統計局的消費者支出顯示,45%的平均入息替代率,可以維持住同退休前相似的生活水平。如果超過55%的入息替代率,就係明顯高於平均水平,而如果低過35%的話,就係落後平均水平。

大家可以根據專家建議的標準,檢視自己準備退休金的進度係咪理想,如果發現目前的金額明離落後,就要考慮進行更多元化的投資、提高儲蓄比例、開源節流,或者延後退休年齡。

相關閱讀:50歲以後的退休儲蓄重點:總儲蓄金額應達年收入8倍