工展會2022｜65歲免費入場！ 9/12維園逾860個攤位 商品低至$1發售 (附領取優惠券網站)
第56屆工展會2022即將於銅鑼灣維園登場！由由2022年12月9日至2023年1月1日，為期一連24日，超過860個戶外攤位，多款商品以優惠價發售，65歲或以上人士仲免費入場，即刻睇詳情啦！
今年工展會有9大展區，總共超過860個攤位，包括：香港名牌廣場區、食品飲料區、糧油麵食區、蔘茸海味湯料區、美容保健區、服飾精品區、生活家居區、社企區及推廣區，同埋「香港玩具時代」主題區。場內有幾百項「破抵價」優惠，例如：1蚊鮑魚、口罩及潔膚膏；$2泰國頂級香米；$10手霜，以及$50蟲草菌絲體精華等等，大家準備好去掃貨未？
響工展會網站上，有超過30張消費指南優惠，憑券可享優惠，大家不妨cap定圖先，到時就唔使左搵右搵。按此查看消費指南優惠
工展會亦為大家整理咗3大掃貨玩樂指南，希望大家行得盡興！
攻略1：掃盡3期購物優惠
3期購物優惠共超過300項，分別係開鑼狂賞週 (9-16/12)、88優惠連環賞 (17-24/12) 及閉幕優惠大激賞 (25/12/2022－1/1/2023)；部分產品低至$1、1折發售，包括$1鮑魚、$1魚蛋、$1口罩及$1折香米福袋。
攻略2：賺盡現場禮遇
大會準備咗總值港幣過百萬嘅豐富禮品，除咗有「電子消賞獎賞」、「打卡有禮送」同「每日開心賞及投票贏巨獎」之外，下載工展會APP仲可以免費玩幸運大激賞及終極大激賞。
攻略3：拎盡「廠商會88‧驚喜8重奏」
今年係廠商會88歲生日，只要係今年88歲 (1934年出生)、在8月8日生日或者身份證號碼有相連的88數字的市民，響12月9日中午12時開始上工展會網站登記，就有機會獲得價值港幣388元的福袋 (數量有限，送完即止)。
第56屆工展會
展覽日期：2022年12月9日至2023年1月1日（展期為24天）
開放時間：上午11時至晚上8時（展覽會於晚上7時30分停止參觀人士進場；最後一天提早至晚上7時正）
地點：香港銅鑼灣維多利亞公園
展場面積：28,000平方米
攤位數量：約860個戶外攤位
門票：$8（身高1米或以下小童、65歲或以上長者及殘疾人士免費進場）
網站：按此
查詢：3421 2012