TreasureDo Whatsapp Group

水上巴士長者優惠|$2搭荔枝窩穿村水上巴士 (原價來回$80) 往來荔枝窩/吉澳/鴨洲

好消息!荔枝窩穿村水上巴近日宣佈開始實行「政府長者及合資格殘疾人士公共交通票價優惠計劃 (二元優惠計劃)」,符合資格嘅乘客可以用$2享受水上巴士服務,來往三門仔/吉澳/荔枝窩等地方。

水上巴士由2022年7月投入服務,船費原價為來回$80,下午單次回程收費$60,只接受八達通付款。不過最近水上巴士宣佈實行2元乘車優惠計劃,即係話年滿60歲或以上,並持有樂悠咭或長者八達通人士,就可以用$2搭水上巴士!

水上巴士-長者優惠

本身計劃營運至今年年底 (2022年12月31日)嘅水上巴士,早前獲鄉郊保育資助計劃秘書處批准,會將服務延長至2023年6月尾。水上巴士途經嘅幾個村落不時舉辦深度遊或工作坊,大家可以留意「荔枝窩穿村水上巴士暨綠色水上生態遊探討研究及試行運作」Facebook專頁,睇下有無想參加嘅活動。

另外,荔枝窩穿村水上巴士亦係寵物友善船隻,大家可以帶同毛孩一齊搭坐水上巴士前往荔枝窩、吉澳同埋鴨洲,寵物收費為$80,必須乘坐船隻下層,同埋需要佩戴繩帶。荔枝窩、吉澳及鴨洲3個地方都有村狗,如果大家想帶毛孩入村玩,要好好看管,同埋記得處理好毛孩嘅排泄物呀!

航線時刻表

水上巴士-航線

建議遊玩路線

水上巴士-荔枝窩

查詢:2698 0455

詳情:按此

相關閱讀:大嶼山隱世景點|逾70年歷史聖母神樂院 中西合壁建築風格 設避靜服務 (附交通資訊)