銅鑼灣台式火鍋全新開幕 65歲以上享優惠價 任食日本國產牛＋夜市小食＋手搖飲品
一個價錢，可以食盡台灣各式火鍋、夜市小食，同埋手搖飲品？講緊嘅就係銅鑼灣全新開幕嘅「好呷台灣火鍋」分店，想知有咩美食同埋優惠，即刻睇落去啦！
好呷台灣火鍋推出「任你行。環島遊」套餐，可以任食53品食材，除咗包含多款台灣製嘅特產食品，仲有來自各國嘅矜貴肉品，保證可以食到飽！而且無論午市同晚市都有長者優惠，只有年滿65歲或以上，或出示長者咭即可享優惠。
「任你行。環島遊」套餐
午市 吃到飽100分鐘
成人 HK$398；小童/長者 HK$328
晚市 吃到飽120分鐘
成人 HK$498；小童/長者 HK$398
(星期五至日及公眾假期前夕 每位+ HK$10)
一個價錢食盡海陸空食材＋台式夜市小食＋台式飲品甜品
惠顧「任你行。環島遊」套餐，除咗可以無限任叫餐牌上嘅一般食品，仲可享無限續點輕奢華盛盤或單點當中嘅食材，包括：鮑魚、沙鎚魚片、水蓮、羽衣甘藍、日本國產牛肩胛肉、美國SRF和牛牛肋粒、手切牛下肩胛翼板等等。食材會以三層盛盤架上桌，打卡一流。
打邊爈之餘，亦可享用埋「台灣小食自助區」，台式夜市小食無限量供應。另外，餐廳每日即製多款台式手搖飲品和甜品，包括：愛玉冬瓜茶、冷泡茶、黑糖薑母茶、檸香洛神花茶等等，讓食客盡情暢飲。
火鍋店提供8款湯底選擇，最近更推出兩款新口味湯底：養生當歸杞子鍋及黃金泡椒鍋，前者以紅棗、當歸、杞子及雞湯精煮而成，藥材配搭恰到好處，美味又養生；後者含有泡椒和酸菜，輕呷一口立即暖意滿滿，惹味十足。
好呷台灣火鍋（銅鑼灣店）
地址：銅鑼灣羅素街8號英皇鐘錶珠寶中心3樓全層
電話：2633 3978
營業時間：中午12:00 至 晚上23:00