滿60歲限定！免費參加九龍城石屋家園歷史文化導賞團 仲送咖啡冰室$10現金券
位於九龍城嘅石屋家園，2月將會舉辦「石屋時空打卡團 x 九龍城歷史文化導賞團」，年滿 60歲或以上唔單止可以免費參加，石屋咖啡冰室仲會送上$10現金券。合資格參加者仲可以帶一位任何年齡嘅親友一齊出席。
石屋屬於三級歷史建築，係侯王廟新村僅存嘅建築物。石屋家園現址見證住上世紀40、50年代寮屋區嘅建築特色，其居住模式更反映二次大戰後香港基層居民嘅生活狀況。寮屋區內曾經開設多間片場，包括世光片場、友僑片場及長城電影製片有限公司。隨住香港工業日漸發展，在響60、70年代，石屋一帶出現咗唔少山寨廠及工場。31號石屋亦被用作「藍恩記山墳墓碑工程公司」，「藍恩記」招牌仍保留至今。
為配合市區發展計劃，寮屋區已於2001年全面清拆，僅遺下現存嘅石屋。石屋經過活化後，藉經營懷舊冰室、旅遊服務中心及文物探知中心等新元素以保育石屋，服務社區。
石屋家園於2月會舉辦「石屋時空打卡團 x 九龍城歷史文化導賞團」，帶大家一齊遊覽九龍城古蹟，只要年滿60歲或以上就可以免費參加，石屋咖啡冰室仲會送出$10現金券，而合資格參加者仲可以帶一位任何年齡嘅親友一齊去玩！
「石屋時空打卡團 x 九龍城歷史文化導賞團」報名方法
報名網頁：按此
按入以上網頁後，可選擇透過：1）網站／2）WhatsApp ／3）Google 表格報名
費用：全免（再送$10石屋咖啡冰室現金券）
集合地點：石屋家園 – 九龍城聯合道 133號
參加資格： 滿 60歲人士*
*每位合資格人士均可帶 1位任何年齡的親友一同出席，必須於報名時揀 2位。
查詢：2325 0111